唔知呢個美國嘅天氣報導員係咪好鍾意睇《西遊記》，竟然諗到報天氣嗰陣黐嚿雲上身，扮孫悟空坐筋斗雲？！

呢個美國KFVS-TV嘅天氣報導員Lisa Michaels，喺早兩日報天氣嘅時候用條綠色裙遮住下半身，搞到同個綠幕一樣色，之後再黐啲扮雲嘅棉花上身，扮到好似坐住嚿雲報天氣咁。之後背景轉為藍天白雲嘅時候，更加似孫悟空坐住筋斗雲，好自由咁騰雲駕霧。

咁出色嘅服裝，梗係引嚟唔少網民留言啦。個個都走去Lisa個FB度讚佢呢個服裝好有諗頭，仲提議如果想再靚啲可以加啲LED燈上嚿雲度